AQShning eng katta xatosi nima? Tramp javob berdi

AQSh prezidenti Donald Tramp Vashingtonning Yaqin Sharqqa qo‘shin yuborishi va mintaqadagi mojarolarga aralashish qarorini mamlakat tarixidagi eng katta xato deb atadi. Amerika rahbari bu haqda dushanba kuni Axios bilan suhbatda ma’lum qildi.

"Yaqin Sharqqa qo‘shinlarni yuborish va Yaqin Sharqda mojarolarga jalb qilish to‘g‘risida qaror qabul qilish mamlakatimiz tarixidagi eng katta xato edi. Bu mening nuqtai nazarim", — dedi u.

Avvalroq Tramp AQSh "cheksiz urushlar" siyosatini tugatish niyatida ekanligini va raqobat o‘rniga dunyo mamlakatlari bilan sheriklik aloqalarini o‘rnatishga intilayotganligini bir necha bor ta’kidlagan. Bu haqda Rambler xabar bermoqda.