AQShda Xitoyning ko‘chmas mulklari ustidan nazorat o‘rnatishni istashmoqda
AQSh va Xitoy o‘rtasidagi savdo urushi tufayli Donald Tramp ma’muriyati milliy xavfsizlik nuqtai nazaridan Nyu-Yorkdagi Xitoy kompaniyasiga tegishli bino aksiyalari nazorat paketini qo‘lga kiritishga tayyorlanmoqda.
Gap Nyu-Yorkdagi 850 Third Avenue binosi haqida bormoqda. U Xitoyning AQSh diqqat markazida turgan NHA kompaniyasiga qarashli. Manbaning aytishicha, bu AQSh milliy xavfsizligi masalasi bilan bog‘liq.
«Bu qaror Oq uyga tegishli», — dedi manba.
New York Post gazetasining yozishicha, Nyu-York polisiyasining 17-uchastkasi ushbu binoning 1-qavatida joylashgan. Ushbu uchastka polisiyachilari vaqti vaqti bilan Trump Tower binosi xavfsizligini ta’minlashadi.
Bundan tashqari, manbalarning taxminicha, 58 yillik bino hukumat ixtiyoriga topshiriladi va keyinchalik sotiladi.
Manba: kun.uz