Afsus! Fransiyadan qaytgan talabada ham koronavirus aniqlandi

Boshqirdistonda 15 mart kuni Fransiyadan Ufaga kelgan talabada koronavirus aniqlandi, dedi viloyat sog‘liqni saqlash vaziri Maksim Zabelin brifingda.

Avvalroq respublikada koronavirus kasalligining to‘rtta holati tasdiqlangani haqida xabar berilgan edi. Yakshanba kuni beshinchi bemor ma’lum bo‘ldi.

"Mintaqada yana bir infeksiya holati paydo bo‘ldi. Bu talaba Fransiyada tahsil olgan, Rossiyaga 14 mart kuni qaytib kelgan va 15 mart kuni Ufaga kelgan. Endi u kasalxonaga yotqizilgan. Ahvoli qoniqarli", – dedi vazir.

Uning so‘zlariga ko‘ra, respublikaning yuqumli kasalliklar shifoxonalarida koronavirusda 97 kishi, shu qatorda 16 nafar voyaga yetmaganlar ham gumon qilinmoqda.