Йўқолган ёки фойдаланишга яроқсиз ҳолатга келиб қолган дарсликлар қандай тартибда тўланади?

Амалдаги қонунчиликка кўра, йўқолган ёки фойдаланишга яроқсиз ҳолатга келиб қолган дарслик ва ўқув методик қўлланмалар ўқувчининг ота-онаси, шунингдек уларнинг ўрнини босувчи шахслар ёки ўқитувчилар томонидан қуйидаги тартибда тўланади:

дарслик ва ўқув методик қўлланмалар кўринишида;
Бирламчи ҳужжатларда (ҳисоб-фактурада, юк хатида) кўрсатилган қиймат миқдорида:
биринчи синф ўқувчиларининг ҳар бир дарслик ва ўқув методик қўлланмалари учун – унинг бир баравари миқдорида;
2-4-синф ўқувчиларининг ҳар бир дарслик ва ўқув методик қўлланмалари учун – унинг икки баравари миқдорида;
5-9-синф ўқувчиларининг ҳар бир дарслик ва ўқув методик қўлланмалари учун – унинг тўрт баравари миқдорида.
П.С.: Мазкур ўқув йилидан мактаб дарсликлари учун ота-оналар томонидан тўланадиган ижара пули бекор қилинди ва давлат бюджетидан тўлаб берилди. Энди йўқолган ёки яроқсиз ҳолатга келиб қолган дарсликлар тўлови қаердан қопланади, бу ҳозирча номаълум.