Югуришнинг инсон танасига 8 фойдаси

1. Юрак ҳамда қон-томир тизими учун фойдали. Мунтазам югуриш бу аъзоларнинг янада мустаҳкам ишлашига ёрдам беради.

2. Қоннинг кислород билан тўйинишига кўмаклашади. Жисмоний машқларни бажаришга кўниккан инсоннинг юраги камҳаракат кишиникига қараганда кўпроқ қон ҳайдайди. Қон айланиши тезлашса, организмга кислород ҳам кўпроқ келади.

3. Асабийлашишга қарши самарали восита. Шифокорларнинг таъкидлашича, тушкунлик ва чарчоқдан халос бўлиш учун тер тўкиш лозим экан.

4. Организмнинг эндорфин гормонини ишлаб чиқаришига ёрдам беради. Бу гормон кайфиятингизнинг кўтаринки бўлишига хизмат қилади.

5. Ақлий фаолият яхшиланади. Ёлғизликда югуриш кўпгина масалаларга ечим топиш учун қулай фурсат саналади. Очиқ ҳавода югурилса, организм кислородга тўйинади, мия ҳужайралари ҳам фаоллашади.

6. Мунтазам югуриш иммунитетни яхшилайди, чунки қон таркибида эритроцит ва гемоглобин миқдори ошади. Шунингдек, қонда холестерин камайиб, очлик ҳисси йўқолади ҳамда овқат ҳазм бўлиши яхшиланади.

7. Куннинг исталган вақтида югуриш имкони бор. Эрталаб қонда гормонлар кўпайган бўлади, жисмоний машқ эса танани қизитиб беради. Кечки пайт югурганда эса кун давомида тўпланган чарчоқ ва асабийликни қувиш, тинч уйқуга эришиш мумкин.

8. Олимлар томонидан югуриш давомида зарарланган жигар ҳужайраларининг тикланиши исботланган. Шунингдек, буйраклардаги зўриқиш бартараф этилади, уларнинг фаолияти яхшиланишига туртки бўлади.