Хоразмда 58 нафар абонентнинг ризқини ўғирлаган жиноятчига жазо тайинланди
Жиноят ишлари бўйича Урганч шаҳар суди раис А.Қаҳҳаров томонидан Ўзбектелеком акциядорлик компанияси Хоразм вилоят филиали биносида очиқ сайёр суд мажлиси ўтказилди.
1992 йил 28 февраль куни Хоразм вилоятининг Урганч шаҳрида туғилган Д.И ижтимоий фойдали мехнат билан шуғулланмасдан, жиноят содир қилиш йўлига ўтади.
Хусусан, Д.И 2012 йилнинг декабрь ойидан 2018 йилнинг июнь ойигача бўлган вақт оралиғида ўзининг жиноий ҳаракатларини давомли равишда амалга ошириб келиб, ўзининг номига Ўзбектелеком акциядорлик компанияси Хоразм-Телеком филиали томонидан 2011 йил 15 июнда яшаш уйидаги телефон рақамига расмийлаштирилган TelМаx русумли интернет модем қурилмасидан компьютер тизими орқали интернет хизматини ёқтириб, ScaningRi (дастур номи ўзгартирилган) дастуридан фойдаланиб, фаол ҳолатда бўлган 58 нафар абонентнинг ҳар бир мегабайтни ўртача қиймати 50 сўмни ташкил қилган жами 13.490.084 сўмлик 269.801.068 мегабайт интернет трафикларини компьютер тизимига рухсатсиз кирган ҳолда яширин равишда талон-торож қилиб, ўзининг шахсий мақсадлари йўлида ишлатиб келган.
Суд ҳукмига кўра, Д.И томонидан фуқароларга етказилган зарар тўлиқ қопланганлиги инобатга олиниб, Д.Ига Ўзбекистон Республикаси ЖКнинг 169-моддаси 3-қисми б банди билан ЖКнинг 57-моддаси қўлланилиб 3 йил муддатга озодликни чеклаш жазоси тайинланиб, алоқа воситаларидан, шу жумладан Интернетдан фойдаланмаслик каби таъқиқлар белгиланди.
Жиноят ишлари бўйича Хоразм вилоят суди
