Хонанда Сарвара ўзбек шоу-бизнесидан кетиб, Туркияда ижод қилаётгани сабабини маълум қилди
Ўзбек мухлислари орасида «Излаб қоласиз», «Айрилиқ», «Муҳаббат», «Олмача» деб номланган бир қанча қўшиқлари билан машҳурликка эришган хонанда Сарвара «Дарё» интернет-нашрига эксклюзив интервью берди. Интервьюни журналист Феруз Муҳаммад ташкиллаштирди.
Хонанда Сарвара суҳбат давомида нима сабабдан ижодини Туркияда давом эттираётганига ойдинлик киритди.
Ҳар доим ҳам турк санъатига, турк шоу-бизнесига қизиқишим катта бўлган. Шу боисдан турк санъатини янада яхшироқ ўрганиш, турк хонандалари билан яқиндан ижодий ҳамкорлик қилиш мақсадида Туркияда ижодимни давом эттирмоқдаман.
Туркияга кетганимга икки йилча бўлиб қолди. У ерда турк хонандалари билан дуэтлар қилдик, янги қўшиқлар ёзяпмиз. Ҳозир бу ерда ижод қилаётганим ‘бутунлай Туркияда қолиб кетаман’, дегани эмас. Имкониятим етганича ҳам Туркияда, ҳам Ўзбекистонда ижод қилмоқчиман.
Шоу-бизнес ичида ‘Сарвара ижодни ташлаб, бошқа бир тирикчилик учун Туркияга кетди’, деган миш-мишлар юргани ҳақида эшитдим. Бу гаплар асоссиз, бу ерда ҳам асосий тирикчилилигим қўшиқ куйлаш.
‘Хўрлайверманғ деб номланган қўшиғимни турк оркестри билан биргаликда куйладим, биргаликда тайёрладик. Тез кунлар ичида ушбу таронамизни мухлислар эътиборига ҳавола этамиз.
Сарвара, хонанда
