Ходим ишга тикланди, масъуллар интизомий жазоланди

Ходим ишга тикланди, масъуллар интизомий жазоланди

Фотима Бойзакова (исм ва фамилияси ўзгартирилган) яхши ниятлар билан ватанимиз равнақи учун ўзининг муносиб хиссасини қўшиш мақсадида Термиз шаҳридаги “Баркамол авлод” болалар мактабига кутубхоначи вазифасида фаолиятини бошлаган эди.

Кейинчалик Ф.Бойзакова ушбу мактабнинг замонавий ахборот технологиялари бўйича мутахассис вазифага тавсия этилиб, янги вазифалар ишониб топширилди.
Бироқ, ходиманинг хурсандчилиги узоққа чўзилмади. Термиз шаҳар ички ишлар органлари томонидан Ф.Бойзакованинг Тошкент автомобил-йўллар институтидан олган дипломи сохта эканлиги аниқланган.

Шундан сўнг, Ф.Бойзакова билан тузилган меҳнат шартномасини бекор қилади. Ушбу низоли масала фуқаролик ишлари бўйича Термиз туманлараро судида кўриб чиқилиб, адолатли қарор қабул қилинди.

Бўлиб ўтган очиқ суд мажлисида Ф.Бойзакова ишга қабул қилинган вақтда маълумоти ўрта-махсус тоифасиз қилиб кўрсатилганлиги ва ҳозирда қалбаки деб топилган Олий таълим муассасасининг дипломи уни ишга қабул қилиш жараёнидаги қоида бузилишига олиб келмаслиги аниқланди.

Шу сабабли иш берувчининг хатти-ҳаракатлари ноқонуний деб топилиб, фуқаро аввалги ишига тикланадиган бўлди. Бундан ташқари, ишсиз бекор юрган вақтдаги 3 ойлик иш ҳақи ундирилиши белгиланди.
Афсуски, дарҳол ижро этилиши лозим бўлган суд қарори иш берувчи томонидан иҳтиёрий бажарилмади.

Шундан сўнг, мазкур ижро ҳужжати Мажбурий ижро бюроси Термиз шаҳар бўлими иш юритувига қабул қилиниб, иш берувчи раҳбар базавий ҳисоблаш миқдорининг 10 баробари миқдорида жаримага тортилди.

Ходима ишга тикланиб, иш ҳақлари ундириб берилиши таъминланди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!