Қишлоқ хўжалиги билан ишлайдиган тадбиркорлар яхши билади: бу соҳада барқарорлик деган тушунча шартли. Об-ҳаво ўзгаради, нархлар тебранади, логистика бир кунда мураккаблашади. Шундай шароитда ишлаётган тадбиркорлардан бири — Муҳаммадсобит Элмуродов. Сўнгги йилларда у фаолиятини биргина маҳсулотга боғлаб қўймаслик тамойили асосида қурди ва айнан шу ёндашув уни мавсумий савдодан тизимли бошқарув босқичига олиб чиқди.