Хавидан қисқа жавоб: "Бошқа ҳеч нарса ҳақида гапирмоқчи эмасман"

Аввалроқ, каталонияликлар раҳбарияти жамоанинг собиқ футболчиси Хавини бош мураббий сифатида клубга олиб келмоқчилиги айтилганди.

Ҳозирда асосий жамоани вақтинча “Барселона Б” устози Серхи Бархуан бошқармоқда.

“Эътиборимни “Ал Садд” билан ишлашга қаратганман. Бошқа ҳеч нарса ҳақида гапирмоқчи эмасман”, дейди Хави.

41 ёшли мутахассис 2019 йилдан бери Доҳа жамоаси мураббийи сифатида ишламоқда. Яқинда эса у клуб билан шартномасини 2023 йилга қадар узайтирганди. Янги битимга кўра, “Ал Садд” Хавига жиддий клублардан таклиф тушадиган бўлса, қаршилик қилмаслиги кўрсатилган.