Халқаро жиноий суд Шойгу ва Герасимовни ҳибсга олишга ордер берди

Халқаро жиноий суд Шойгу ва Герасимовни ҳибсга олишга ордер берди

Гаагадаги Халқаро жиноят суди собиқ мудофаа вазири, Россия Хавфсизлик кенгаши котиби Сергей Шойгу ва Бош штаб раҳбари Валерий Герасимовни ҳибсга олишга ордер берди.

"Халқаро жиноий суднинг II судгача палатаси Украинадаги вазият нуқтаи назаридан камида 2022 йил 10 октябрдан камида 2023 йил 9 майигача содир этилган халқаро жиноятлар бўйича икки шахсни – Сергей Кужугетович Шойгу ва Валерий Василевич Герасимовни ҳибсга олиш учун ордер берди", — дейилади суд сайтидаги хабарда.

Ҳалқаро жиноят суди аниқлик киритганидек, “икки гумондор камида 2022 йилнинг 10 октябридан 2023 йилнинг 9 майига қадар Россия ҳарбий кучлари томонидан Украина электр инфратузилмасига уюштирилган ракета ҳужумлари учун жавобгар деб ҳисоблаш учун асосли асослар мавжуд". Бу вақт ичида Россия армияси "Украинанинг турли нуқталаридаги кўплаб электр станциялари ва подстанцияларига кўплаб ҳужумлар уюштирди" - дейилади нашрда.

Суд Украина энергетика тизимига қилинган ҳужумларнинг мақсадга мувофиқлиги етарли эмаслиги ва тинч аҳолига кўпроқ зарар етказишига ишонади.

Россия Хавфсизлик Кенгаши матбуот хизматининг таъкидлашича, ХЖСнинг судгача бўлган палатасининг Сергей Шойгуга қарши қарори бекор ва "Ғарбнинг Россияга қарши гибрид урушининг бир қисми сифатида" қабул қилинган.

2023 йил март ойида ХЖСнинг Тергов палатаси президент Владимир Путин ва Россия Федерациясидаги болалар ҳуқуқлари бўйича комиссари Мария Львова-Беловани ҳибсга олишга ордер берди. ХЖС қарори “2022 йил 24 февралдан бери Россия кучлари томонидан босиб олинган Украина ҳудудларидан болаларни ноқонуний депортация қилиш бўйича” иш доирасида қабул қилинган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!