Вакцина яратилгунга қадар коронавирусни мағлуб қилиш усули маълум қилинди
Эпидемиолог Михаил Фаворовнинг айтишича, коронавирусга қарши малакали кураш вакцина яратилгунига қадар пандемиянинг суръатини пасайтирар экан.
Америкалик математикларнинг карантин даврида COVID-19 жуда секин тарқалишини тахмин қилган маълумотларига изоҳ бераркан, “Агар аҳолининг 90 фоизи карантинда бўлса ҳам 10 фоизи ушбу чорани бузишда давом этса, эпидемияни енгиш мумкин бўлмайди”, деб таъкидлади эпидемиолог.
Фаворов, шунингдек, муаммонинг объектив ёритилиши ва унга жиддий муносабатда бўлиш ҳам коронавирусни енгишга ёрдам беришини қўшимча қилди.
Мутахассиснинг алоҳида қайд этишича, Пекин тезкор чоралар кўрган ва вирус тарқалишининг эпицентри - 11 миллион аҳолиси бўлган Ухан шаҳрини карантинга олган ҳамда қоидабузарлар учун 10 йилдан то умрбод қамоқ жазосига бўлган чораларни қўллаган. Шу боис ҳам эндиликда ҳудудда ҳаёт яна ўз изига қайтмоқда.
