Ўзбекистонга коронавирусга қарши яна Pfizer вакцинаси олиб келинди

Иқтисод / Саломатлик
A A A
Ўзбекистонга коронавирусга қарши яна Pfizer вакцинаси олиб келинди

Ўзбекистонга 13—15 март кунлари COVAX дастури доирасида COVID-19 га қарши жами 875 520 доза Pfizer вакцинаси олиб келинди. Бу ҳақда Санитария-эпидемиология қўмитаси матбуот хизмати хабар берди.

Қайд этилишича, мамлакатга илк бор олиб келинган мазкур вакцина COVID-19 омикрон B.А.4 ва B.А.5 штаммларига қарши тайёр эритилган вакцинадир.

“Бугунги кунда бутун дунё бўйлаб пандемиянинг олдини олиш учун COVID-19 инфекциясига қарши эмланиш мақсадга мувофиқлиги ва ниҳоятда муҳимлигини кўрсатмоқда”, — дейилади хабарда.

Маълумот учун, Ўзбекистонда айни кунгача жами 75 670 234 доза вакцинадан фойдаланилган. COVID-19 инфекциясига қарши курашиш ва унинг тарқалишининг олдини олишнинг энг самарали йўли – иммунизация, яъни аҳолини инфекцияга қарши вакцина билан эмлашдир.

Киритилди: 14:14 17.03.2023. Ўқилди: 935 марта. Фикрлар сони: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!