Ўзбекистонда хизмат кўрсатган артист Равшан Намозов вафот этди

Ўзбекистонда хизмат кўрсатган артист Равшан Намозов вафот этди

Ўзбекистонда хизмат кўрсатган артист, хонанда ва бастакор Равшан Намозов 61 ёшида вафот этди.

Равшан Намозов 1961 йилнинг 10 июлида Термизда туғилган. Ўша ерда мусиқа билим юртини тамомлаб, отаси — Ўзбекистонда хизмат кўрсатган артист Абдураҳмон Намозов ҳамда Шокир Маҳмудовлардан сабоқ олган.

У 1985 йил Германия ўтказилган “Ёшлар фестивалида” ва 1989 йили Олмаота шаҳрида ташкил этилган “Осиё овози” кўрик танловида Гранд-Прини қўлга киритган.

Равшан Намозов ўзининг мусиқий фаолиятини 1989 йилда ташкил этилган “Қарс” гуруҳида бошлаган. 1991 йилдан буён у яккахон хонанда сифатида ижод қилган. 1993 йили Ўзбекистонда хизмат кўрсатган артист унвони билан тақдирланган.

Хонанда ўзининг “Чипрадалли”, “Ковушим”, “Ёр-ёр ёрон-эй”, “Биё-биё”, “Хаёл” каби қўшиқлари билан мухлислар кўнглидан жой олган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!