Ўзбекистонда мандарин нархи рекорд даражада арзонлашди

Иқтисод / Бизнес / Тўйхона / Бозорлар
A A A
Ўзбекистонда мандарин нархи рекорд даражада арзонлашди

Ўзбекистонда мандаринларнинг улгуржи нархлари пасайишда давом этиб, йилнинг шу даври учун янги энг паст даражага етди. Бу ҳақда “EastFruit” таҳлилларида келтирилган.

Жорий йилнинг 8-декабридан 15-декабригача мандариннинг ўртача улгуржи нархи бир кг учун 10 мингдан 8 минг сўмгача, яъни охирги ҳафтада 20%га пасайди.

Охирги икки ойда мазкур маҳсулотларнинг улгуржи нархлари ҳар ҳафта пасайиб бораётгани ҳисобга олинса, 20-октябрдан 15-декабргача мандариннинг ўртача улгуржи нархи 1 кг учун 29 минг сўмдан 8 минг сўмгача, яъни бу даврда 3,6 баробар арзонлашган.

Шунингдек, 15-декабр ҳолатига, мандариннинг ўртача улгуржи нархи ўтган йилнинг мос даврига нисбатан 27%га ва 2021-йилнинг шу санасига нисбатан учдан бирига арзонроқ.

Жорий йилнинг 20-октябридан 10-ноябригача мандариннинг ўртача улгуржи нархи 29 минг сўмдан 20 минг сўмга пасайганди.

Киритилди: 16:06 16.12.2023. Ўқилди: 5965 марта. Фикрлар сони: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!