Ўзбекистонда коронавирус нега айнан июнь-июль ойларида кучайиб кетяпти? Мутахассис жавоби
Коронавирусга қарши курашиш штаби аъзоси Севара Убайдуллаева АОКАда бўлиб ўтган брифингда долзарб саволларга жавоб берди.
– Касаллик нега айнан июнь июль ойларида кучайиб кетяпти? Бу кунларнинг исиб кетиши билан боғлиқми?
– Касалликни ҳақиқатан ҳам 2020 йилда июнь—июлга келиб кенг тарқалганди, бу йил ҳам май ойларидан тарқалиши бошланди. Кўпгина вируслар турли мавсумийликка боғлиқлигини кўрсатган. Олдинги вируслар ичида қайсидири қишда кенг тарқалган бўлса, қайсидири вирус ёз мавсумида тарқалган. Лекин ҳозирги кунда касаллигини айнан қайсидир мавсумга боғлиқ ҳолда тарқалиши ҳақида асословчи маълумот йўқ.
Биз куннинг исиши оқибатида карантин қоидаларига риоя қилмай қўйдик. Кўпчилик ниқобларни иссиқ кунда тақмай қўйгани сабаб бу касаллик тарқалишига асос бўлмоқда, – дейди Севара Убайдуллаева.
