Украинанинг энг кучли ва энг тезкор бригадаларидан бири Россияга бостириб киришга қўшилди
![Украинанинг энг кучли ва энг тезкор бригадаларидан бири Россияга бостириб киришга қўшилди Украинанинг энг кучли ва энг тезкор бригадаларидан бири Россияга бостириб киришга қўшилди](/photos/news/2gC92Hgc7cdO7Ha.jpeg)
Украинанинг Россияга кутилмаган ҳужумининг учинчи кунида Россия жанубидаги Курск вилоятига зирҳли техникалар колоннаси кириб келаётгани Украинанинг энг яхши жиҳозланган ва энг тез ҳаракатланувчи бригадаларидан бири: 80-ҳаво ҳужуми бригадасининг иштирокини тасдиқлади.
Пайшанба куни ижтимоий тармоқларда тарқалган видеода Т-64БВ ёки Т-80БВ танки, УР-77 минадан тозалаш машиналари, ИМР-2 муҳандислик машинаси, шунингдек, БТР-80 ва АҚШда ишлаб чиқарилган Стрйкер ғилдиракли зирҳли транспортёрлари ўтиб кетаётгани тасвирланган. Барча транспорт воситалари дронга қарши панжаралар билан зирҳланган. Пиёда аскарлар БТР-80 тепасига тўпланган.
Фақатгина 80-ҳаво ҳужуми бригадаси собиқ совет ва собиқ америка машиналарини бошқаради.
Украинанинг энг яхши бригадаларидан бири бўлган 80-ҳаво ҳужуми бригадасининг ҳужумдаги иштироки Украина амалиётининг кўламини кўрсатади.
Россия Украинага қарши урушни кенгайтирганидан бери 29 ой ичида украинапараст жангчилар Россия жанубига чегарадан ўтиб, кўплаб рейдлар уюштирган. Аммо бу рейдлар кичик миқёсда ва чекланган эди ва ҳеч қачон бир неча кундан ортиқ давом этмаган. Улар Россия раҳбарларини шарманда қилиш учун қилинган.
Сешанба куни бошланган Украина операцияси бошқача. Ҳар бирида 2000 нафаргача аскардан иборат камида учта бригада қатнашноқда: 22 ва 88-механизациялашган бригадалар ва 80-ҳаво ҳужуми бригадаси. Артиллерия, учувчисиз самолётлар ва ҳаво мудофааси муҳим ёрдамчи ролларни ўйнайди.