Украиналиклар Донетск ва Запорожьё вилоятларида олдинга силжиди
4-июн, якшанба куни Украина Қуролли кучлари Донетск вилоятининг ғарбий қисмида ва Запороже вилоятининг шарқий қисмида маҳаллий қуруқликдаги ҳужумларни амалга ошириб, чекланган тактик муваффақиятга эришди. Бу ҳақда Америка урушни ўрганиш институти (ISW) хулосасида айтилади.
4-июн куни эълон қилинган геолокация тасвирларида механизациялашган Украина қўшинлари Ривнопол шимоли-шарқида олға силжаётганини кўриш мумкин.
Баъзи россиялик блогерларнинг таъкидлашича, Украина қўшинлари Россия мудофаасининг биринчи чизиғини ёриб ўтган ва ҳудудда 3 км олдинга ўтган. ISW экспертларининг таъкидлашича, эрталабки ҳисобот пайтида бу хабарларнинг визуал тасдиқлари бўлмаган.
Маълумотларга кўра, рус қўшинлари Левадное қишлоғида ўз позицияларини йўқотган, гарчи бу яқинда ёки аввал содир бўлганлиги аниқ эмас.
Баъзи ҳарбий блогерларнинг таъкидлашича, Украина кучлари Малая Токмачка (Хуляиполедан 28 км жануби-шарқда) ҳудудида чекланган қарши ҳужумларни бошлаган, Россия кучлари эса Хуляйпол яқинидаги Украина кучларига қарши ҳаво ҳужумларини амалга оширган.
