Украина Грузия номини ўзгартирмоқчи

Украина Олий Радаси депутатлари Грузия номини Сакартвелога расман ўзгартиришни таклиф қилишди, тегишли қарор лойиҳаси Украина парламенти сайтида эълон қилинди.

Ташаббус муаллифларининг фикрича, Грузия номини ўзгартириш икки давлат ўртасидаги яқинлашувга ёрдам беради ва Грузиянинг руслашган номидан халос бўлишга имкон беради. Грузия аҳолиси - грузинлар - номини ўзгартиргандан сўнг, Картвел деб аташ таклиф этилди.

Сакартвело Грузиянинг ўз номи бўлиб, бу мамлакат аҳолиси томонидан қўлланилади. Таржимада бу "Картвеллар мамлакати" деган маънони англатади. Картвели - грузинларнинг ўз номи.