Туркиянинг собиқ президентлигига номзод Оган Эрдўғанни қўллаб-қувватлашини эълон қилмоқчи
“Ата” альянсидан Туркия президентлигига собиқ номзод Синан Оган 28 май куни бўлиб ўтадиган президентлик сайловларининг иккинчи босқичида Туркиянинг амалдаги етакчиси Ражаб Тоййиб Эрдўғанни қўллаб-қувватлашини эълон қилмоқчи.
Бу ҳақда Hürriyet газетаси манбаларга таяниб ёзмоқда.
“Менга етган маълумотларга кўра, Синан Оган сайловнинг иккинчи босқичида Президент Эрдўғанни қўллаб-қувватлашини бугун эълон қилади”, — дейилади нашр.
Қайд этилишича, Оган мухолифат номзоди Кемал Киличдароғлуни қўллаб-қувватлаш ниятида эмас, чунки у "террор ташкилотларини ҳимоя қилади".
Матнда хатолик топсангиз, ўша хатони белгилаб, бизга жўнатинг (Ctrl + Enter).
