Туркия ҳарбий кемаларнинг Қора денгизга киришига қарши чиқмоқда

Туркия ҳарбий кемаларнинг Қора денгизга киришига қарши чиқмоқда

Туркия Монтрё Конвенцияси талабларини оғишмай бажариб келмоқда, минтақада урушнинг кенгайишига ва Қора денгизга ҳарбий кемаларнинг киришига қарши, деб баёнот берди мамлакат ташқи ишлар вазири Мавлуд Чавушўғли.

"Биз томонларни алоқаларни ўрнатишга чақирганмиз ва чақириб келяпмиз. Анқара иккала давлат билан ҳам жуда яхши алоқада. Шунинг учун ҳам биз санкцияни қўллаб-қувватламадик. Бироқ, шубҳасиз урушга қаршимиз, Монтрё Конвенцияси талабларини оғишмай бажариб келмоқдамиз. Қолаверса, НАТО аъзоси сифатида Москвани мулоқотга чақиряпмиз", – деди Чавушўғли.

Монтрё Конвенцияси 1936 йилда қабул қилинган. Ушбу ҳужжатга биноан савдо кемалари уруш даврида ҳам, тинчлик даврида ҳам кўрфаздан эмин-эркин ўтиши мумкин, лекин барча кемага тартиб турлича. Шу билан бирга, Конвенция Қора денгиз соҳилида жойлашмаган мамлакатларнинг Қора денгизда бўлишини уч ҳафталик муддат билан чеклаб қўйган. Фавқулодда вазиятларда Туркия ҳарбий кемаларнинг Босфор ва Дарданелладан ўтишини бутунлай тақиқлаш ёки қисқартириш ҳуқуқига эга.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!