Toyota сотуви 2022 йилда 5,3 фоизга ўсди
Япониянинг Toyota концерни ва унинг шўбъа корхоналари Daihatsu ва Hino 2022 йилда дунё бўйлаб 10,48 миллион дона автомобил сотди, бу ўтган йилга нисбатан 0,1 фоизга кам. Бу ҳақда корпорациянинг душанба куни эълон қилинган ҳисоботида айтилмоқда.
Шу тариқа, Toyota 2022 йилнинг 12 ойида дунё бўйлаб 8,26 миллион дона автомобил сотган ушбу кўрсаткич бўйича Toyota кетма-кет учинчи йил ўзининг асосий рақобатчиси – Германиянинг Volkswagen автоконцернидан ўзиб кетди.
Toyota автомобилларини ишлаб чиқариш ўтган йили 5,3 фоизга ошиб, 10,51 миллион донани ташкил этди.
Ўтган йил давомида концерн маълум бир ой натижаларига кўра ишлаб чиқариш ва сотиш бўйича бир неча бор рекорд кўрсаткичларни қайд этди. Компания, биринчи навбатда, Шимолий Америкада кучли талабнинг тикланиши туфайли ижобий натижаларни қайд этади. Эҳтиёт қисмлар тақчиллигининг яхшилангани ҳам ижобий самара берди.
Toyota ва Volkswagen сўнгги йилларда дунёда автомобиллар савдоси бўйича етакчилик учун курашиб келмоқда. 2020 йилда, тўрт йиллик танаффусдан сўнг, Toyota ушбу кўрсаткич бўйича яна ўз етакчилигини қўлга киритди, шундан бери компаниялар ўртасидаги тафовут йилдан-йилга ортиб бормоқда.
