Тик-токер метродаги қизга тегажоғлик қилди

"Немолчи.uz" лойиҳаси Телеграм ботига гўёки "кулгули" пранкларни суратга олувчи тиктокер видеосини юборишди. Ваҳоланки улар мавжуд қонунчиликни бузмоқда.

Мазкур видеороликда тик-токер атайлаб қўлини бир қизнинг қўлини устига қўяди. У қўлини олиб қўйса, йигит яна қўлини тегмоқда. Ва съёмка қилувчи дўстини билан камерага қараб кулишмоқда. Қиз бу ҳолатдан ўзини ноқулай хис қилиши кўриниб турибди ва яна қўлини тортмоқда.

Видеороликни тик-токер ўз аккаунтида жойлади, кейин эса ўчириб ташлади. Лекин содир этилган қилмиши учун жазодан қутулдим, деб ўйлаши хато.

„Қачондан бери тегажоғлик кулгули бўлиб қолди? Лойиҳага қизларга нисбатан қилинган ҳар қандай тазйиқни бошдан кечириш қанчалик қийинлиги ва бу туфайли улар қандай стресс ва ваҳима бошдан кечиришлари ҳақида кўплаб ҳикоялар келади. Айнан қўрқув ва уят ҳисси туфайли кўп ҳолларда қизлар ёрдам сўраш ёки ички ишларга хабар беришмайди. Бу тик-токерлар эса ёш қизларда қўрқув уйғотишдан завқланишмоқда. Жаримага тортилса ёки 5 кунга қамалса ҳам куламиз деган умиддаман“, дейди Немолчи.uz лойиҳаси муаллифи.

Эслатиб ўтамиз, Ўзбекистон Республикасининг 11.04.23 йилдаги қонунига кўра Ўзбекистон Республикаси Маъмурий жавобгарлик тўғрисидаги кодексига “Шаҳвоний шилқимлик қилиш” 41-1-моддаси киритилган бўлиб, унга кўра ҳуқуқбузарга нисбатан базавий ҳисоблаш миқдорининг икки бараваридан беш бараваригача миқдорда жарима солишга ёки беш суткагача муддатга маъмурий қамоққа олиш жазоси қўлланилади.

Ҳуқуқни муҳофаза қилиш органларидан мазкур видеороликка эътибор қилишлари ва тегишли чора кўришларини сўраб қоламиз.