"Табриклаймиз ютуққа эга бўлдингиз!" яна бир фирибгарнинг телеграмда сохта акцияси фош этилди
Бухоро вилояти Жондор туманида яшовчи, фуқаро А.М. ариза билан мурожаат қилиб, телеграм мессенжерида номаълум фойдаланувчи унга «O‘ZAVTOSANOATSERVIS»МЧЖ “AS-Servis” автосалонлар тармоғидан "Сиз AS-Servis" дан 100.000 сўм пул маблағини ютиб олдингиз" мазмунида хабар юбориб, пулларни олиш учун банк карта маълумотларини сўраб, банк картасида бўлган 24.800.000 сўм пулларини талон-торож қилганлигини билдириб, унга нисбатан қонуний чора кўришни сўраган.
Олиб борилган тезкор-қидирув тадбирлари натижасида, фирибгарлик йўли билан пулларни ўзлаштирган шахс муқаддам ЖКнинг 168-моддаси билан судланган Жиззах вилояти Пахтакор туманида яшовчи 2002 й.т., А.А. эканлиги аниқланди.
А.А.га нисбатан Жиноят Кодексининг 168-модда 3-банди билан жиноят иши қўзғатилиб, тергов ҳаракатлари олиб борилди.