Сўнгги икки ҳафта ичида Херсонда 19 киши ҳалок бўлди

Сўнгги икки ҳафта ичида Херсонда Россиянинг ўққа тутилиши оқибатида 19 киши ҳалок бўлди - маҳаллий ҳукумат

Якшанба куни рус қўшинлари Херсонга беш марта ўқ узган, улар 11 ноябрь куни уни тарк этган, дейди шаҳар расмийлари.

Уларнинг сўзларига кўра, якшанба кунги отишмалар натижасида шаҳарликлар орасида қурбонлар ва ярадорлар йўқ.

Аммо Херсон маъмурияти маълумотларига кўра, сўнгги икки ҳафта ичида, 20 ноябрдан 4 декабрга қадар шаҳар 169 марта ўққа тутилган. Ушбу ҳужумлар натижасида 19 киши ҳалок бўлди, 39 киши яраланди, улардан бири бола.