Шавкат Мирзиёев BRICS саммитида нутқ сўзлайди
Шавкат Мирзиёев Си Цзиньпин таклифига биноан “БРИКС плюс” самитида иштирок этади.
Онлайн шаклда ўтказиладиган тадбирда БРИКС гуруҳи мамлакатлари раҳбарлари, ҳамда Аргентина, Индонезия, Жазоир, Малайзия, Миср, Эрон, Қозоғистон раҳбарлари (жами 18та) ҳам иштирок этади.
Форум давомида 2030 йилга қадар Барқарор ривожланиш масалалари кўриб чиқилади.
“Энг аввало, “яшил” иқтисодиёт, юқори технологиялар, инновациялар, рақамлаштириш, транспорт ва логистика, гуманитар алмашинув соҳаларида амалий ҳамкорликни кенгайтиришга алоҳида эътибор қаратилади”, дейилади хабарда.
Ўзбекистон президенти ўз нутқида Барқарор ривожланиш мақсадларига биргаликда эришишда кенг халқаро ҳамкорликнинг устувор йўналишларини кўрсатиб ўтади.
Маълумот учун, янги “БРИКС плюс” формати БРИКС гуруҳига аъзо давлатларнинг бошқа етакчи ривожланаётган мамлакатлар билан ўзаро манфаатли ва кўп қиррали ҳамкорлигини йўлга қўйиш мақсадида ташкил этилган.
