Саида Мирзиёева: Мен доим гендер зўравонликнинг сабабларини тушунишга, излашга ҳаракат қиламан

Президент администрациясининг Коммуникациялар ва ахборот сиёсати бўйича шўба мудири Саида Мирзиёева БМТ Тараққиёт дастурининг Ўзбекистондаги доимий вакили билан оилалардаги зўравонликнинг олдини олишга қаратилган қонун лойиҳаси юзасидан суҳбатлашди.

Учрашув давомида оилалардаги зўравонликни криминаллаштириш ва бундай ҳолатларнинг олдини олишга қаратилган, ҳозирда Олий Мажлис муҳокамасида бўлган тегишли қонун лойиҳаси борасида ўзаро фикр алмашилган. Шунингдек, Саида Мирзиёева вакилга оилавий зўравонликнинг оқибатлари эмас, аксинча сабаблари билан курашиш зарурлиги борасидаги мулоҳазалари билан бўлишган.

Учрашувда, шунингдек, хотин-қизларнинг иқтисодий салоҳиятини ривожлантириш учун қўшимча имкониятлар яратиш режалари ҳам муҳокама қилинган.