Россия Одессани ўққа тутди, ҳалок бўлганлар бор
Россия Қуролли кучларининг Украинанинг Одесса шаҳрини ўққа тутиши натижасида 3 киши ҳалок бўлди ва яна 3 киши яраланди.
Бу ҳақда Одесса вилояти ҳарбий маъмурияти раиси Олеҳ Кипер маълум қилди.
Унга кўра, Россия армияси шаҳарга баллистик ракеталар билан ҳужум қилган.
«Ҳужум натижасида 3 киши ҳалок бўлди, яна 3 киши яраланди. Жабрланганларга барча зарур тиббий ёрдам кўрсатилмоқда. Фуқаролик инфратузилмаси зарар кўрди», деди у.
Эслатиб ўтамиз, Россия Қуролли кучларининг 1 миллионга яқин аҳолиси бўлган Одесса шаҳрига қилган охирги ҳужуми 29 апрель куни амалга оширилган эди. Ўша ҳужум натижасида 5 киши ҳалок бўлган, 23 киши яраланган.
Матнда хатолик топсангиз, ўша хатони белгилаб, бизга жўнатинг (Ctrl + Enter).