Роналду яна бир кўрсаткичда Мессига етиб олди

Криштиану Роналду фаолиятидаги дубллар сони бўйича Лионель Мессига тенглашди.

Кеча “Ан-Наср” ҳужумчиси Саудия Арабистони чемпионатининг 17-туридан ўрин олган “Ал-Иттиҳод”га қарши ўйинда (5:2) пенальтидан иккита гол урди. Бу унинг фаолиятидаги 157-дубль.

Иккита гол урган ўйинлар сони бўйича Роналду Лионел Месси билан тенглашди, иккаласида 157 тадан ўйин. Бироқ бу кўрсаткичга эришиш учун аргентиналикка камроқ ўйин керак бўлган: у фаолиятидаги 15% ўйинда дубль қайд этган, Роналду эса 13,1%.

Икки ёки ундан ортиқ гол урилган ўйинлар сони бўйича Роналду Мессидан олдинда - 220 (ўтказилган ўйинларнинг 18,3%) ва 214 (ўтказилган ўйинларнинг 20,4%).