"Реал" Холанднинг орзусини амалга оширмоқчи

"Реал Мадрид" раҳбарияти 2024 йилда "Манчестер Сити" ҳужумчиси Эрлинг Холандни трансфер қилиш вариантини кўриб чиқмоқда. "Relevo" хабарига кўра, "Қироллик клуби"нинг устуворлиги "ПСЖ" футболчиси Килиан Мбаппе бўлишига қарамай, "Реал Мадрид" раҳбарияти Холанднинг "Лос-Бланкос"да ўйнашни орзу қилишини билади.

2024 йилнинг ёзида Холанднинг шартномасида хориж клублари учун товон пули 100 миллион евродан кўпроқни ташкил қилади. Бироқ, Килиан Мбаппени эркин агент сифатида текинга ўтказиш варианти ҳозирча президент Флорентино Перес ва раҳбариятнинг бошқа аъзолари учун жозибадорроқ кўринади.