Раҳим Абрамов энг бадавлат тиктокерлар рейтингида биринчи ўринни эгаллади

Раҳим Абрамов энг бадавлат тиктокерлар рейтингида биринчи ўринни эгаллади

“Форбес” нашри ТикТок ижтимоий тармоғининг русийзабон фойдаланувчилари орасидаги энг машҳур тиктокерлар фаолиятини таҳлил қилди ва уларнинг даромадини ҳисоблаб чиқди.

Рейтингдаги биринчи ўринни 22 ёшли ўзбекистонлик Раҳим Абрамов банд этган. Унинг обуначилари сони 9,5 миллион кишидан ортиқ. Раҳим томонидан куйланган “Фенди” қўшиғи – унга энг кўп видеоролик суратга олинган тарона сифатида рекорд ўрнатган. ТикТокнинг 3,4 миллион нафар фойдаланувчиси “Фенди” қўшиғи билан видео суратга олган. Раҳим Абрамов ТикТок орқали 10,47 миллион рубл миқдорида даромад топган.

Иккинчи ўринни тожикистонлик Дина Саева эгаллади. Дина айни вақтда 21 ёшда, обуначилари сони 16,4 миллион кишидан кўпроқ. Дина ТикТок орқали 4,93 миллион рубл даромад кўрган.

Рейтингдаги учинчи ўринни Алексей Савко (4,81 миллион рубл), тўртинчи ўринни 18 ёшлик Юлия Гаврилина (3,32 миллион рубл), бешинчи ўринни 18 ёшли Валя Карнавал (3,21 миллион рубл) банд этган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!