Қўшма Штатларда банк тизимидаги муаммолар иқтисодиётни таназзулга яқинлаштирмоқда

Америка банк тизимининг муаммолари секин-аста АҚШ иқтисодиётини таназзулга яқинлаштирмоқда, деди Миннеаполис Федерал захира банки (ФРБ) раҳбари Нил Кашкари.

"Албатта, бу бизни энди таназзулга яқинлаштиради", деди у CBC News телеканалига берган интервьюсида.

Кашкарининг айтишича, ҳозирги қийинчиликлар кредитнинг катта таназзулга олиб келиши ёки мамлакат иқтисодиётига қанчалик таъсир қилиши ҳозирча номаълум. Шу билан бирга, у банк регулятори "мукаммал эмас" ва хатоларга йўл қўйишини тан олди.

“Мен барча стресслар ортда қолди, деб айтмаяпман. Бу жараён вақт талаб этади, деб умид қиламан”, деди Кашкари.

Унинг қўшимча қилишича, АҚШ банк тизими ҳали ҳам фундаментал ва тартибга солиш муаммоларига дуч келмоқда.

Январ ойи охирида АҚШ молия вазири Жанет Йеллен АҚШда дефолт ҳалокатга олиб келишини айтди.