Польша рус жосуслари тармоғини йўқ қилганини эълон қилди

Польша рус жосуслари тармоғини йўқ қилганини эълон қилди

Польша разведка идоралари Россия учун ишлаётган жосуслик тармоғини зарарсизлантирди, деб хабар бермоқда RMF Ички хавфсизлик агентлигига таяниб. Шарқий чегарадан олти нафар хорижлик темир йўлда қўпорувчилик тайёрлашда гумон қилиниб, қўлга олинган.

Разведка идоралари маълумотларига кўра, жосуслар энг муҳим йўналишларга тасвирни интернетга узатувчи яширин камералар ўрнатган. Улар Украинага жўнатилиши мўлжалланган қуроллар ва ўқ-дорилар ортилган Ясенка аэропорти яқинидаги темир йўл участкаларидаги ҳаракатланишларни қайд этган.

Айғоқчиларни қўлга олиш операцияси муносабати билан Польша хизматлари ва полицияси ходимлари юқори шай ҳолатга келтирилди. Муҳим инфратузилма объектларининг хавфсизлиги ҳам кучайтирилди.

Ҳарбий аксилразведка хизмати раҳбарининг собиқ ўринбосари Масей Матисякнинг фикрича, биринчи навбатда Россия Киевни қўллаб-қувватловчи давлатлар коалицияси қанчалик кўплигини баҳолаш учун Украинага Ғарбдан кираётган техникалар сони ва тури ҳақида маълумот олишга уринмоқда.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!