Песков: ШҲТ давлатлари ҳеч кимга қарши эмас, балки юксак мақсадлар йўлида ишламоқда

Шанхай Ҳамкорлик Ташкилотига (ШҲТ) аъзо давлатлар “кимгадир қарши дўст бўлиш” учун эмас, балки юксак ғояларга эришиш учун ҳаракат қилмоқда, деди Россия президенти матбуот котиби Дмитрий Песков “Россия 1” телеканалида Павел Зарубинга берган интервьюсида.

“Бу кимгадир қарши дўст бўлиш ҳақида эмас. Бу қандайдир олий ғоялар йўлида ва ШҲТга аъзо мамлакатлар халқлари манфаати йўлида дўст бўлиш ҳақида”, — дея унинг сўзларидан иқтибос келтиради РИА Новости.

Шу тариқа Песков ташкилот кўзлаган мақсадлар ҳақидаги саволга жавоб берди.