Озодбек Назарбеков: "Жаҳонгир Отажонов — ижрочилик касалига чалинган. Бундай ижод халққа керак эмас" (видео)

Ўзбекистон ва Қорақалпоғистон халқ артисти Озодбек Назарбеков "Дарё" мухбири Феруз Муҳаммадга берган интервьюсида Жаҳонгир Отажонов ҳақидаги саволга ҳам жавоб берди.

Олдин ҳам айтганман, у бу билими билан педагог бўлиши керак. Шунда халққа кўпроқ фойдаси тегади. Жаҳонгир Отажонов сезгиси кучли санъаткор. Лекин хонанда сифатида менга ёқмайди. Шундай инсонлар бўлади, билими ошиб кетса, мутахассислик касалига чалинади. Жаҳонгир Отажоновнинг ижодида бетартиблик кўп. Унинг ижросидан мақсад сўзни томошабинга етказиш эмас, овоз имкониятини етказиш, оҳангни етказиш. Бу ижрочилик касалидир. У "Ҳеч ким мендек ижро қила олмайди", деб мураккабликка қараб кетаверади. Халққа бу умуман керак эмас, дейди Озодбек Назарбеков.