Олтин экспортисиз ой: февралда ташқи савдо камайди

Олтин экспортисиз ой: февралда ташқи савдо камайди

2023 йил январ—феврал ойларида Ўзбекистоннинг ташқи савдо айланмаси 8,9 млрд долларга етди. Бу кўрсаткич 2022 йил мос даври билан солиштирилганда 176 млн долларга ёки 2 фоизга кўпайди.

Бироқ, ўтган ойнинг ўзида ташқи савдо 3,9 млрд долларни ташкил қилди. Бу жорий йил январига нисбатан 1,1 млрд долларга, 2022 йил февралига нисбатан эса 0,9 млрд долларга камроқ.

Ўзбекистон феврал ойида паст нархлар сабаб олтин сотмади.

Феврал ойида ташқи савдонинг қисқариши ушбу ойда камроқ кунлар борлиги билан боғлиқ эмас. Январда Ўзбекистон 1,2 млрд долларлик олтин сотгани инобатга олинса, февралдаги олтин экспорти ҳисобга олинмаган ташқи савдода ўсиш кузатилган.

2023 йилда Ўзбекистон импортининг учдан бир қисми Россия ва Хитой ҳиссасига тўғри келмоқда.

Ташқи савдода асосий ҳамкор давлатлар орасида январ ойида Германия пайдо бўлган эди (учинчи ўринда, 497 млн доллар). Феврал ойидаги маълумотларга кўра, бу ҳолат вақтинча бўлиб чиқди ва Германия билан ташқи савдо атиги 76 млн долларни ташкил қилди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!