“Ниқоб” фильми юлдузи кинога қайтишга тайёрлигини маълум қилди

Голливуд актрисаси Кэмерон Диаз узоқ танаффусдан сўнг кинога қайтишга тайёрлигини маълум қилди.

У бу ҳақда “YouTube”да намойиш этилган “Наоми Кэмпбелл билан” шоуси давомида маълум қилди.

Маълумотларга кўра, актриса кинога қайтишининг аниқ санасини ошкор этмаган.

"Биринчидан, мен ҳеч қачон "ҳеч қачон" демайман, иккинчидан, ҳозирда ўзимда қатъийликни ҳис қиляпман. Мен 2014 йилдан буён бирорта фильмда суратга тушмадим. Бу жуда узоқ вақт! Аммо энди қайтишга қарши эмасман! Мен экранларга қайтиб, ҳаракат қилишим кераклигини ҳис қиляпман", - дея таъкидламоқда Кэмерон.