НАТО Путинни хавфли ва масъулиятсиз ядровий риторикаси учун танқид қилди — Reuters
Владимир Путин Беларусда Россиянинг тактик ядровий қуролларини жойлаштириш ниятини эълон қилганидан бир кун ўтиб, НАТО вакили бу риторикани хавфли ва масъулиятсизлик деб атади.
"Россиянинг НАТОнинг ядро қуролидан фойдаланиши ҳақидаги аргументи нотўғри. НАТО иттифоқчилари ўзларининг халқаро мажбуриятларини тўлиқ ҳурмат қилган ҳолда ҳаракат қилмоқдалар. Россия қурол назорати бўйича ўз мажбуриятларини доимий равишда бузмоқда, яқинда янги START (https://t.me/burchakostida/29771) шартномасидаги иштирокини тўхтатиб қўйди", — дея иқтибос келтиради Reuters агентлиги НАТО вакилидан.
"НАТО ҳушёр бўлиб, вазиятни диққат билан кузатиб бормоқда. Биз ҳозирча Россиянинг ядро сиёсатида ўз позициямизни ўзгартиришимизга мажбур қиладиган ўзгаришларни сезмадик", — дея қўшимча қилган у.
