Майк Тайсон рингга чиқмаса, Жейк Пол билан ким жанг қилади?
Кеча Майк Тайсон - Жейк Пол жангининг янги санаси эълон қилинган эди.
Унга кўра, жанг 15 ноябрь куни аввалдан белгиланган манзилда ўтказилиши режа қилинмоқда.
Бироқ IFL нашрининг хабар беришича, Рой Жонс ҳам машғулотларга қайтган. Сабаби, Тайсон рингга чиқа олмаган тақдирда, унинг ўрнини айнан Рой тўлдиради.
Аслида, Тайсон - Пол жанги 20 июль куни бўлиб ўтиши лозим эди, бироқ Майкнинг соғлиғидаги муаммолар сабаб, шифокорлар унга жанг қилиш учун рухсат бермаган эди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
