"Манчестер Сити" очколардан маҳрум қилиниши мумкин
Англия Премьер-лигаси тўрт йиллик текширувдан сўнг "Манчестер Сити"ни кўплаб молиявий фэйр-плей қоидаларини бузганликда айблади. Бу ҳақда The Times нашри журналисти Мартин Зиглер ўзининг "Твиттер" саҳифасиида маълум қилди.
Шунингдек, журналист Премьер-лига Манчестер клубини бузганликда айблаган қоидалар рўйхатини келтиради. Ушбу рўйхатга мувофиқ, "Манчестер Сити" 2009/2010 йилги мавсумдан 2017/2018 йилги мавсумгача молиявий фэйр-плей қоидаларини бузган. Агар айбдор деб топилса, клуб бир қатор жазоларга, жумладан, очколарни олиб ташлашга ҳам дуч келади.
2009 йилдан буён "Манчестер Сити" олтита АПЛ чемпионлигини қўлга киритди (2012, 2014, 2018, 2019, 2021 ва 2022). "Шарҳларликлар" жорий мавсумда Премьер-лигада 21 ўйиндан сўнг 45 очко билан иккинчи ўринда бормоқда.
