Лукашенконинг даври тугаяпти — ОАВ

Лукашенконинг даври тугаяпти — ОАВ

Беларусь Президенти Aлександр Лукашенко "популизм, социализм, қатағон, рус пуллари ва Европанинг чексиз сабр-бардоши" туфайли узоқ вақт давомида ҳокимиятни ушлаб туришга муваффақ бўлди.

Ушбу фикрни билдирган Британиянинг "Тhe Economist" нашри журналисти яқинлашиб келаётган президент сайловлари Лукашенко учун бутун фаолияти давомида энг қийин дақиқалардан бири бўлишини башорат қилди.

Нашр таъкидлашича, Беларусда "адолатли сайловлар" 1994 йилда Лукашенко президент бўлган ва Совет Иттифоқи қулаганидан кейин барқарорликни тиклашга ваъда берган пайтдан бери ўтказилмаган.

Ҳозирги "қатағонлар" ва сиёсий рақибларнинг таъқиб қилиниши шароитида демократик сайловлар ўтказиш мумкин эмас, дейди муаллиф.

"Унинг икки мухолифи қамоқда ва учинчиси қувғинда бўлганлиги сабабли, овоз бериш жараёнида сўров ўтказиш тақиқланади ва овоз бериш жараёнида мустақил кузатувчиларнинг иштирокига йўл қўйилмайди — Лукашенконинг яна ғалаба қозониш учун барча имкониятлари бор", дейилади мақолада.

Шу билан бирга, Белорусь расмийларининг қўрқувлари сайлов натижаларининг ўзи билан эмас, балки мамлакат фуқароларининг реакциясидан келиб чиқиши керак. Белорусликлар Лукашенкога унинг коронавирусга "бепарволик билан муносабати" ва сиёсий майдонда узоқ муддатли ўзгаришларнинг йўқлиги сабабли ишонмай қўйиши мумкин.

Инглизлар, шунингдек, Лукашенкога қарши "ўйнаши" мумкин бўлган Россия ва Белорусь ўртасидаги муносабатлардаги кескинликни таъкидладилар.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар


Фикр билдириш учун қайдномадан ўтишингиз сўралади ва телефон ракамни тасдиклаш керак булади!