Кулги бекати!.. (43-қисм)
Капитан сержантдан сўради:
— Нега ҳарбий хизматга янги келганларни икки қатор сафлантириб, новчаларни олдинга, паст бўйлиларни орқага турғазиб қўйдингиз?
— Кечиринг, мен армияга келгунимча бозорда мева-чева сотиш билан шуғуллангандим.
***
— Ошна, мунча хўрозинг дангаса бўлмаса?
— Э, асти сўрама! Ишонасанми, эрталаблари маҳалладаги хўрозлар қичқира бошласа, менинг хўрозим уларга жавобан бош ирғаб қўя қолади.
***
Театр ечиниш хонаси ходими томошабиндан сўради:
— Нега кетаяпсиз? Спектакл ёқмадими?
— Йўқ, жуда яхши экан.
— Балки актёрлар ёқмагандир?
— Улар ҳам ажойиб.
— Унда нега эрта кетаяпсиз?
— Қоронғи залда ёлғиз ўтиришга қўрқаман.
Матнда хатолик топсангиз, ўша хатони белгилаб, бизга жўнатинг (Ctrl + Enter).