Креативликни оширишга хизмат қиладиган 4 китоб

XXI асрга келиб, инсоният ўзи учун керакли ва ҳамманинг ҳаёлига келадиган деярли барча нарсани яратиб бўлди. Эътибор беринг, айни вақтда муваффақиятга эришган кўплаб шахслар, бир неча декадалар аввал инсонлар тасаввур ҳам қила олмаган ғояларини амалга оширишгани туфайли шу даражага чиқишган.

Бугун инсонлар бир хилликдан зерикди. Энди фақатгина креатив ўйлаган инсонгина ҳаммадан ажралиб тура олади. Чунки “Creativity” бу чеклаш мумкин бўлган тушунча эмас. Инсон онгининг чеки йўқ экан, креативлик ҳам чексиздир. Қуйида креативликни оширишга хизмат қиладиган китоблар кетма-кетлигини эътиборингизга ҳавола қиламиз.

Майкл Микалько. “Креативликни бузиш”

Китоб машҳур кишиларнинг ностандарт фикрлаш сирларини очиб беради ва уларни амалда қўллаш йўлларини айтиб беради.

Ушбу китобда ижодкорлик бўйича етакчи мутахассис Майкл Микалько сизга ижодкор одамлар қандай фикр юритишини ва уларнинг сирларидан қандай қилиб қутидан ташқарида фикр юритиш ва янги ғоялар билан чиқишингиз мумкинлигини кўрсатиб беради.

Бу китобни ёзиш учун Микалько Леонардо да Винчидан Пабло Пикассогача бўлган юздан ортиқ буюк мутафаккирларнинг ҳикояларини тадқиқ қилди ва уларнинг усулларини замонавий воқеликка мослаштирди.

Муаллиф томонидан ишлаб чиқилган ва батафсил тавсифланган тўққизта фикрлаш стратегияси сизга бизнес ва ҳаётдаги ҳар қандай муаммоларга янги ғоялар ва ностандарт ечимларни топишда ёрдам беради.

Майкл Микалко. “Ностандарт фикрлашнинг 21 техникаси”

Ушбу китоб сизга қандай қилиб ажойиб ғояларни яратишни, қутидан ташқарида ўйлашни ва муаммоларни ҳал қилишни ўргатади.

Мазкур китоб нолдан ажойиб ғояларни ўйлаб топадиган одам бўлишга ёрдам беради.

Бунда сиз ақлий қобилиятларни ривожлантирувчи ноёб техника ва машқларни ўрганасиз, шунингдек, қобиқдан ташқарида фикрлаш учун кўплаб қизиқарли вазифалар, ўйинлар ва жумбоқларни топасиз.

Остин Клеон. “Ўз ишингни намойиш қил”

Остин Клеон ўзининг “Рассом каби ўғирлаш” китобида ўқувчиларга ғояларни ўғирлаш орқали ижодкорликни қандай ривожлантиришни кўрсатиб берди. Бундан ҳам муҳимроқ бўлган ушбу китобда у сизга кейинги асосий қадамни – машҳур бўлишни кўрсатади.

Иллюстрациялар, мақолалар, иқтибослар ва мисоллар билан тўла бўлган ушбу китобда жасур, самарали, очиқ ва машҳур бўлишга ёрдам берадиган 10 та қоида (“Сиз даҳо бўлишингиз шарт эмас”, “Ҳар куни кичик бир нарса билан бўлишинг” сингари) мавжуд.

Эстанислао Бахрах. “Мослашувчан онг”

Ушбу китоб инсон мияси ҳақидаги афсоналарни йўқ қилиш, бизга қанчалик номаълумлигини кўрсатиш ва бизни янада ижодий бўлишга ўргатиш мақсадини кўзлайди. Ундан сиз миямизнинг энг қимматли қобилиятларидан бири – мавжуд бўлмаган нарсаларни тасаввур қилиш ва янги ғояларни яратиш ҳақида билиб оласиз. Китоб мия фаолиятига оид барча нотўғри қарашларни йўқ қилади ва яширин ижодий жараёнлар қандай ишлашини кўрсатади ва энг муҳими, уларни яхшилашга ёрдам беради.

Феруза Аҳмадхонова