Коронавируснинг энг катта хавфи маълум бўлди (ФОТО)

АОКАдаги брифингда Коронавирусга қарши курашиш штаби аъзоси Рустам Икромов муҳим саволларга жавоб қайтарди:

— Ухан шаҳрида коронавирусдан соғайганларнинг 90 фоизида ҳозир ўпка яллиғланиши кузатилмоқда экан. Яллиғланишни даволаш мумкинми?

— Барча ҳолатларда ҳам ўпка яллиғланиши коронавирус туфайли келиб чиқмайди. Пневмонияни даволашнинг самарали усуллари мавжуд ва бу касалликни даволаса бўлади.

Коронавируснинг энг катта хавфи — ўпка фибрози, яъни ўпка чандиғига олиб келишидир. Бунда вирус ҳаво етиб бориш клапанларини ёпади. Натижада бемор кейинчалик юрак ва нафас етишмовчилигидан азият чекади.

Ўпка чандиғи узоқ йилларда тикланади. Гоҳида бир умрлик ногиронликка ҳам олиб келиши мумкин.