Коронавирусга қарши Россия дориси Ўзбекистонга етказилди
Россия тўғридан-тўғри сармоялар жамғармаси ва ХимРар дори-дармон ширкати коронавирусга қарши "Авифавир" препаратини Ўзбекистонга етказиб берган. Бошқа компаниянинг "Арепливир" вакцинаси ҳам Ўзбекистонга олиб келиниши олдин айтилганди. Бу ҳақда "Zed News" телеграм канали хабар тарқатди.
Шунингдек, "Авифавир" ҳозиргача Беларус, Боливия, Қозоғистон, Қирғизистон ва Туркманистонга етказилган. Яна 17 мамлакат, жумладан, Аргентина, Болгария, Бразилия, Чили, Колумбия, Эквадор, Салвадор, Ҳондурас, Кувайт, Панама, Парагвай, Саудия Арабистони, Сербия, Словакия, ЖАР, БАА ва Уругвайга экспорт қилиниши режалаштирилган.
2020 йил майда "Авифавир" Россия соғлиқни сақлаш вазирлигининг гувоҳномасини олган ва COVID-19 инфекциясини даволашга мўлжалланган дунёдаги биринчи препаратга айланганди.
