Коми Республикаси фуқароси интернетдаги изоҳ сабаб қамоққа олинди

Коми Республикаси фуқароси интернетдаги изоҳ сабаб қамоққа олинди

Тарих фани ўқитувчиси Никита Тушкановнинг ҳибсга олингани яқин кишиси томонидан тасдиқланди.

У терроризмни оқлаганликда гумон қилинмоқда. Бунга Қрим кўприги портлаши акс этган фотосурат ва содир бўлган воқеага ижобий баҳо берилган пост сабаб бўлгани айтилди. Таъкидланишича, иш материалларида Қримнинг аннекция қилиниши ҳақида сўз юритилган изоҳлар мавжуд.

Июль ойида 7х7 нашри Никита Тушканов урушга қарши пости учун 30 минг рубль жаримага тортилгани ҳақида хабар берган эди, аммо апелляциядан сўнг маъмурий иш бекор қилинган. 2021 йилда Никита Тушканов Алексей Навальныйни қўллаб-қувватлаш учун бир кишилик пикет билан чиққани учун мактабдан ҳайдалган.

Украинада кенг кўламли уруш бошланганидан сўнг, Туканов бир неча бор Россия тажовузига қарши чиқди, деб таъкидлайди Дожд нашри.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!