Канадада “Дориан” тўфони туфайли 300 дан ортиқ киши электрсиз қолди

Канадада “Дориан” тўфони туфайли 300 дан ортиқ киши электрсиз қолди

“Дориан” тўфони туфайли Канаданинг жануби-шарқий қисмидаги Янги Шотландия провинциясида яшовчи 300 дан ортиқ аҳоли электр токисиз қолди. Бу ҳақда Global News хабар берди.

Тўфон Галифаксга етганида заифлашди

“Дориан”, маҳаллий вақт билан тахминан соат 7 да, Галифакс порт шаҳрига етиб борганида, заифлашиб, пост-тропик бўронга айланди.

Нью-Брунсвикда ҳам 14 мингта бинода электр узилган

Хабарга кўра, Nova Scotia Power электр тармоғи таъминлайдиган абонентлар электрсиз қолади. Tаъкидланишича, Нью-Брунсвик провинциясида ҳам 14 мингта уй ва корхона электрсиз қолган.

Қуролли кучлар тўфон таъсирини енгишга ёрдам беради

Жамоат хавфсизлиги ва фуқаролик ҳимояси вазири Ральф Гудейл Twitter’даги саҳифасида Канада қуролли кучлари об-ҳавонинг таъсирини енгишда ёрдам беришини ёзди.

“Янги Шотландия “Дориан” тўфонига қарши ёрдам сўради. Канада ҳукумати эса бунга “ҳа” деб жавоб берди. Канадалик кучлар қайта тиклаш ишларига ёрдам бериш учун сафарбар қилинмоқда”, – деб ёзди вазир.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!