Калта Минор ҳақида афсона
Хивадаги энг машҳур минора – ниҳоясига етмаган Калта минор. У 1853 йилда Муҳаммад Аминхон томонидан барпо этила бошлаган ва 1855 йил Шимолий Эронга юриш пайтида хоннинг ўлдирилиши ва Абдуллахоннинг тахтга ўтириши билан қурилиш ишлари тўхтаб қолган. Халқ ичида бу борада ҳар хил афсоналар тарқалган.
Эмишки, Хива хони шаҳарда улкан ва баланд минора қурилишини буюради “Унинг тепасидан Бухорои азим кўриниб турсин” дейди. Бундан хабар топган Бухоро амири уста билан келишиб, худди шунга ўхшаган минорани Бухорода ҳам қуришни режа қилади. Бундан хабар топган Хива хони минора битгандан кейин устани минорадан ташлашни буюради. Хон бундай минора бошқа жойда такрорланишини истамайди.
Буни билиб қолган усталар бу ҳақда ғиштга ёзиб тепага Катта устага етказишади. У эса керакли анжомларни топишни айтиб, ўзига қанот ясаб учиб кетган.
Минора битса дунёдаги энг баланд минора бўлиши мумкин эди.
