Жиззах вилояти қурилиш материаллари бўйича халқаро форумга мезбонлик қилади

Жорий йилнинг 26 апрель куни Жиззах вилояти Фориш туманида «Ўзсаноатқурилишбанк» ва «Ўзсаноатқурилишматериаллари» уюшмаси ҳамкорлигида «Базальт асосли маҳсулотларни иқтисодиётнинг турли соҳаларида қўллашнинг самарадорлиги» мавзусида халқаро форум бўлиб ўтади.

Тадбир Ўзбекистон Республикаси Президентининг 2024 йил 8-9 апрель кунлари Жиззах вилоятига ташрифи давомида «Basalt Uzbekistan» кластери таркибидаги корхоналар томонидан ишлаб чиқарилаётган маҳсулотларни иқтисодиётнинг турли соҳаларида қўллашни самарадорлигини ошириш, илмий-тадқиқот ишларини жадаллаштириш, ушбу йўналишда конференция ва форумлар ўтказиш топшириғининг ижросини таъминлаш мақсадида ташкил этилмоқда.