Жанубий Кореянинг 2023 йилдаги энг яхши ўйинчиси номи маълум бўлди

Жанубий Корея футбол ассоциацияси 2023 йилнинг энг яхши ўйинчиси номини эълон қилди.

Унга кўра, Жанубий Корея миллий жамоаси ҳамда «Бавария» клуби ҳимоячиси Ким Мин Же мамлакатнинг энг яхши ўйинчиси деб топилди. 27 ёшли футболчи якунланган йилда «Наполи» сафида Италия чемпионлигини қўлга киритиб, Мюнхен жамоасига трансфер қилингач, Чемпионлар лигасида «Бавария» билан гуруҳдаги 6 ўйинда 5та ғалабага эришди.

Шу тариқа, Ким Мин Же Сон Ҳён Миннинг 4 йиллик сериясига чек қўйди. «Тоттенҳэм» ҳужумчиси сўнгги тўрт йил давомида Жанубий Кореянинг энг яхши ўйинчисига аталган совринга эга чиқаётганди.